Sestao Berri sozietatearen kudeaketak oinarri nagusi bi ditu: Plan Zuzentzailearen helburuak betetzea eta Sestaoko Udalarekin 2008-05-09an izenpetutako hitzarmena.

Jarduera hiru esparru nagusitan garatzen da: etxebizitza berrien eskaintza, birgaitzea eta udal etxebizitzen kudeaketa.


1- Etxebizitza berrien eskaintza

Hirigintzako jardueren ondorioa da: desjabetzeak, aurriak… higiezin hauetakoak, esaterako: Rivas 19-24, 52, 54, 56, 58 eta 60, Vega Nueva 5, 6, 7 eta 8, San Ignazio 6, 8, 10 eta 14 eta Gran Vía 75.

Behar den lege-kudeaketa egiten da eta, lege baldintzak betetzen dituztelarik, etxebizitza berria izateko eskubidea aitortuta duten familiei eman egiten zaie etxebizitza.

Aurrekoaz gain, norbanakoen, taldeen eta komunitateen jarraipena egiten da, familiak etxebizitza zein komunitate berrietan integratzeko, bertan gainerako bizilagunen eskubide eta betebehar berberak izan ditzaten.

Hirigintzako jardueraren eraginpeko familiak, etxebizitza berria jasotzeko eskubidea dutenak, 188 dira.



2- Birgaitzea

Jabeen erkidegoei eska ditzaketen dirulaguntzen berri ematen zaie, OBE gunean (Txabarri - El Sol) jarduera esparruaren barruko zaharberritzeko lanik egin nahi balute ere.

Eraikinen egoeraren gaineko txosten teknikoak (diagnostikoak) egiten dira. Aholkuak eman, dokumentazioa jaso eta lanen jarraipena ere egiten da.

Birgaitzeko moduko atariak 54 dira, eta kopuru horri begira egiten da lana.



3- Udal etxebizitzen kudeaketa

Honelako lanak egiten dira: fakturazioa, ordaindu gabekoen jarraipena, etxebizitzen ikusketa tekniko eta sozialak, erkidegoak eratzea, erkidegoen kontuak gainbegiratzea, errentamendu kontratuak, eta, oro har, kontratuak behar bezala betetzen direla begiratzea.

Udal etxebizitzak, guztira, 120 dira.